82 urteko gizon bat hilik atzeman zuten atzo arratsaldean Tafallako Kiñongo baratzeetako lursailetako putzu batean. Tafallako Udaltzaingoa bertaratu zen lehenik, eta, ondotik, suhiltzaileek atera zuten gorpua, 18:50ean.
Foruzaingoak ikerketa bat abiatu du, eta jakinarazi du gorpua Nafarroako Lege Medikuntzako Institutura eraman dutela, autopsia egin ahal izateko eta heriotzaren nondik norakoak argitzeko. Kasu honetan, Foruzaingoak nabarmendu du ez dela hilketaz mintzatzen ahal autopsiaren emaitzak ukan gabe.