Hilaren 1ean jazo zen ezbeharra, Hiriberri Arakilen (Nafarroa). 12:00 inguruan, NA-2410 errepidearen 6,2 kilometroan, auto batek traktore batekin talka egin zuen, eta gidariaren ondoko jesarlekuan zihoan 80 urteko gizon bat zauritu zen. Nafarroako Ospitalera eraman zuten, eta han bertan hil zen, herenegun. Arakilgo Satrustegi herribatzarreko bizilaguna zen biktima.
Aurten Nafarroan auto istripuz hildako hamabosgarren pertsona da; iazko lehen lauhilekoaren aldean, bi halako baino gehiago hil dira aurten denbora tarte berean.
