Iruñeko zigor arloko 4. epaitegiak 5.670 euro ordaintzera zigortu du gizon bat, bi emakumeri sexu erasoa egiteagatik. Isuna ordaintzeaz gain, biktimei kalte ordaina eman beharko die: 1.000 eurokoa bati, eta 800 eurokoa bertzeari. 2024ko martxoan gertatu zen erasoa: hiriburuko taberna batean bi emaztekiri ipurdia ukitu zien gizonak, gero kalera atera zen eta han atxiki egin zuten.
Joan den otsailean egin zuten epaiketa: fiskaltzak hiru urteko kartzela zigorra eskatu zuen; akusazio partikularrak, berriz, 5.400 euroko isuna ordaindu zezala eta 1.000 euroko kalte ordaina. Defentsak absoluzioa eskatu zuen.
