'5000 Hiztegia'-ren bertsio digitala Interneten da jada

BILBO. 30. urteurrena ospatzen duen urtean,5000 Hiztegia eguneratu eta digitalizatu egin dute. Hainbat hitz, sinonimo eta antonimo gehitu dituzte hiztegian, eta, gainera, bertsio digitala sarean erabilgarri dago jada. 90.562 hitz jasotzen ditu hiztegiak. Berritasunen artean, hiztegia entzuteko aukera dago, EHUko Aholab sistemaren bitartez. Euskarazko eta gaztelaniazko bilaketak egiteko aukera ematen du.