40 urteko gizonezko bat hil da gaur Aranbeltz mendian, Ziordian (Nafarroa). Gasteizkoa zen mendizalea. Eskalatzen ari zen, eta 10 metrotik erori da.
Bikotekidearekin zegoen istripua gertatu denean, eta hark eman die abisua larrialdi zerbitzuei. 12:55ak ziren. Ahal bezain laster bertaratu dira erreskate zerbitzuak, baina ezin izan dute ezer egin gizonaren bizia salbatzeko.
