Jon Mirena San Pedro euskal presoak 30 urte daramatza kartzelan, eta haren askatasuna eskatzeko manifestazioa egin zuten atzo, Bilbon. Jon Mirena 30 urte espetxean, Amnistia Osoa leloa hartuta, dozenaka pertsonak hartu zuten parte mobilizazioan.
San Pedro 1991n atxilotu zuten, ETAren Bizkaia komandoko kide izatea egotzita. 1995ean aske utzi zuten, epaiketarik egin gabe lau urteko behin-behineko espetxealdia amaitu ostean. Ihes egin zuen, eta 1999an atxilotu zuten ostera, Frantzian. Preso egon da geroztik. 2004an estraditatu zuten Frantziatik Espainiara. Sakabanaketa politika amaitu ostean, 2023tik Basauriko kartzelan dago, Bizkaian.
