48 urteko gizon batek 2 eta 6 urteko bere bi alabak hil zituen, Castellon (Herrialde Katalanak). Ondoren, suizidatu egin zen, leiho batetik behera bere burua botata. 2018ko irailak 26 egun zituen.
Ikusi gehiago
Umeen ama bizkaitarra zen jatorriz, eta 42 urte zituen. Emakumeak eta gizonak urtebete zeramaten bereizita, eta emakumeak bi alditan jo zuen auzitegietara babes eske. Bietan babesa ukatu zioten, eta atzera egin zuen azkenean, etsiak jota.
Urte hartako urtarrilean aurkeztu zuen emakumeak lehen salaketa, parte mediko bat eskuetan zuela. Otsailean, berriz, gizonak mehatxu egin ziela salatu zuen. Zehazki, umeak hilko zituela esan ziola salatu zuen andreak. Gizonari urruntze agindu bat jartzeko ere eskatu zuen.
Bi kasuak artxibatu zituzten, epaileek ez zutelako larrialdirik ikusi. Biktimak eta fiskalak atzera egin zuten azkenean. Artxibatu egin zuten kasua, gizonak bere buruaz beste egin zuelako.