France Bleuk argitaratu duenez, 19 urteko neska bati sexu eraso bat egin diote Hazparneko (Lapurdi) jaietan. Biktima konorterik gabe topatu zuten haren lagunek, kalean, larunbat goizaldeko 06:30 aldera. Baionako ospitalera eraman zuten, eta fiskaltzak jakinarazi du ikerketa abiatu duela gertatutakoa argitzeko.
Hipotesi guztiak zabalik ditu fiskaltzak; izan ere, biktima lagunengandik banandu eta kalean topatu zuten arteko tartea luze samarra izan zen.
Mugimendu feministak eta tokiko erakundeek elkarretaratzera deitu dute gaur eguerdirako, erasoa gaitzesteko.
