Errepideak
19 urteko mutil gazte bat hil da auto istripuz Allon
Autoarekin bidetik atera eta errepide bazterreko zuhaitz bat jota 19 urteko mutil gazte bat hil zen atzo gauean Allon (Nafarroa). Sarrioren paper fabrikan lan egiten zuen gazte horrek, eta lanetik bueltan etxera, Aiegira, zihoala izan zuen istripua.
Atzo gaueko hamarretan izan zuten SOS Nafarroa zerbitzuan ezbeharraren berri, eta segituan Alloko medikua eta erizain bat, Lizarrako anbulantzia medikalizatu bat eta suhiltzaileak joan ziren erreskatera. Lizarrako Garcia Orcoyen erietxera bizirik iritsi zen C.A.R. Aiegiko bizilaguna, baina handik piska batera hil egin zen.
Iruzkinak
Ez dago iruzkinik
Ordenatu
