Miarritzeko (Lapurdi) Viktoria Erreginaren kalean dagoen bizitegi batean gertatu da istripua. Lehen oharren arabera, 15 urteko gaztea leiho batetik erori da. Sorosleek kaleko aparkalekuan aurkitu dute, gazteak konortea galdu zuelakoan. Ez dute lortu suspertzea. 07:55 inguruan hil da.
Gaztea bakantzetara etorria zen Miarritzera, familiarekin. Frantziako Poliziak inkesta bat hasi du nola hil den argitzeko.
