Gipuzkoako Ziur zibersegurtasun industrialaren zentro berriak badu zuzendaria: Carlos Abad. Gipuzkoako Aldundiak eta Donostiako Udalak Ziur patronatuaren lehen batzarrean jakinarazi zuten izendapena, atzo. Abad telekomunikazio ingeniaria da, eta eskarmentu handia dauka zibersegurtasunaren esparruan, besteak beste Ikusi enpresan. Zuzendaria izendatzearekin batera, Ziur zentroko patronatuak urteko plangintza eta aurrekontua onartu ditu. Hala, 400.000 euroko aurrekontua jarriko du Gipuzkoako enpresa industrialetan zibersegurtasuna sustatzeko, betiere Zuatzuko parkean egongo den zentrotik.
Carlos Abad Ikusi enpresako segurtasun soluzioen zuzendaria izan da, baita produktuaren estrategia eta berrikuntza zuzendaria ere. «Ziur koordinatu eta zuzenduko du, enpresa guztientzako erreminta izan dadin», esan du Ainhoa Aizpuru Ekonomia Sustapeneko diputatuak.
IZENDAPENA. Carlos Abad
ZIUR zentroko zuzendari berria
Iruzkinak
Ez dago iruzkinik
Ordenatu
