Somaschini erosi du Ciek, ia 80 milioi euroren truke

Hazten jarraitzen du Cie Automotivek. Mexikoko bi enpresa erosi zituen ekainean, eta Italiako Somaschini izan da hurrena. 79,6 milioi euroren truke eskuratuko du engranaje enpresa hori Bizkaiko konpainiak; 2020an itxi asmo dute operazioa. Somaschinik 300 langile ditu, eta 70 milioi euroren salmentak. Hiru planta ditu enpresak: bi Bergamon (Italia), eta beste bat Indianan (AEBak).