'Pentsioen geroa' plazaratu du Jon Fernandezek

ANDOAIN. Martin Ugalde foroan aurkeztu du BERRIAko kazetari Jon Fernandezek (Ondarroa, Bizkaia, 1986) Pentsioen Geroa. Eztabaida sozial baterako gakoak (Aleka, 2020). Pentsiodunen mugimenduari gertu-gertutik jarraitzen hasi zen Fernandez 2018an, eta buru-belarri sartu zen ahots haserre horien atzean zeuden pertsonak eta arrazoiak ezagutzeko lanean. Jakin-mina analisi sakon bihurtu du orain, pentsiodunei, ekonomistei, soziologoei eta beste hainbat protagonistari ahotsa emanda.