Leire Mugerza Mondragon taldeko kontseiluko buru

ARRASATE. Leire Mugerza izango da Mondragon taldeko kontseiluko presidente berria. 2012az geroztik da kontseiluko kide, eta Javier Goienetxea ordezkatuko du. Kargua hartuko duen lehen emakumea da, eta Eroskiren kontseiluko presidente lanarekin uztartuko du. Mondragonen kontseilua 650 kideko organoa da, eta multzoaren irizpideak eta erabakiak ezartzen ditu.