Lehiakortasuna hobetzeko zergen alde dago Cebek

BILBO. Cebek Bizkaiko enpresarien elkartea «pozik» dago Arabako, Bizkaiko eta Gipuzkoako zerga sistemaren erreformari ekingo zaiolako. Patronalaren ustez, maiatzeko udal eta foru hauteskundeen ondoren izango da, eta enpresen lehiakortasuna hobetuko duten neurriak iradokiko dizkiete erakunde publikoei. «Beti esan dugu fiskalitatea lanabes bikaina dela lehiakortasuna hobetzeko», esan zuen atzo Carolina Perez Toledo Cebekeko presidenteak. Patronala beti agertu izan da sozietate zerga eta halakoak jaistearen alde.

Ez da, baina, Cebeken ardura bakarra, ezta handiena ere. Enpresei egin dien inkestan biizan dira agertutako kezka nagusiak: batetik, errentagarritasun jaitsiera; eta, bestetik, absentismoa: «EAEko maila %9,8 da; Espainian, esaterako %6,7», azaldu zuen Toledok.