Istripu larria izan da gaur egurdian AP-15 autobidean. Lanean ari zen 46 urteko behargin bat zendu da, kamioi batek harrapatuta. Eguerdian izan da istripua, 25. kilometroan, Martzilla inguruan (Nafarroa). Nafarroako Gobernuko iturriek jakinarazi dutenez, errepidean zerbitzua ematen duen garabi bateko gidaria da. Matxura zuen ibilgailu bati laguntzen ari zen kamioi batek harrapatu duenean.
Larrialdi zerbitzuak istripua izan den lekura joan dira, baina ezin izan dute ezer egin. Bertan hil da. Guardia Zibila ere bertaratu da, eta kasua aztertzen ari da, istripua nola izan den argitzeko.
