Langile Autodefentsa Sareko bi kide epaitegian deklaratzera deitu dituzte

BILBO. Espainiako Poliziak Langile Autodefentsa Sareko lau kide atxiki zituen atzo, Limpiezas Arana garbiketa enpresaren aurkako protestengatik. Poliziaren aurrean deklaratzeari uko egin zioten, eta etzi epaitegira joateko hitzordua jarri diete haietako biri. Elkarretaratzea egingo dute Bilboko Albiako jardinetan, 11:00etan. Langile Autodefentsa Sareak Limpiezas Aranaren lan baldintzak eta «gehiegikeriak» salatzeko hainbat mobilizazio egin ditu azken egunetan.