Kristalina Georgieva ofizialki hautatu dute Nazioarteko Diru Funtseko idazkari

WASHINGTON. Christine Lagarde frantziarra beste emakume batek ordezkatuko du Nazioarteko Diru Funtseko idazkaritzan. Erakundeak baieztatu zuen atzo Kristalina Georgieva (Sofia, Bulgaria, 1953) izango duela buru urriaren 1etik aurrera. Ekonomista eta soziologoa ikasketaz, Europako Batzordeko komisario izan zen 2010etik 2016ra, eta Munduko Bankuko jarduneko zuzendaria izan da 2017az geroztik.