Interinok Taldeak ez du hilaren 22ko langile publikoen greba babestuko

GASTEIZ. Arabako, Bizkaiko eta Gipuzkoako langile publikoak grebara deituta daude datorren ostegunean, administrazioan dagoen behin-behinekotasun tasa handiari irtenbideak eskatzeko. Sindikatu deitzaileen diagnostikoarekin bat egin du Interinok Taldeak, baina ez du greba babestuko, deitzaileek ez dutelako «konponbide zehatzik eta adostutakorik aurkeztu». Lakuan garaile izan zen Interinok Taldea.