SESMA. Ingeteamek Sesman (Nafarroa) duen ekoizpen planta handitu du. Energia berriztagarrien sektorerako ekipoak ekoizten dituzte han. Lantegi horrek esanahi berezia du konpainiarentzat. 25 urte bete ditu aurten. Han egin zituzten Nafarroan jarri ziren lehen bihurgailu eolikoak, Erreniegan. Gaur egun, Ingeteam energia eolikoko bihurgailuen munduko lehen hornitzaile independentea da. Horrez gain, energia biltegiratzeko teknologiak garatzen ari dira han, auto elektrikoentzako kargalekuak esaterako, eta hidrogeno berdearekin loturiko teknologiekin ere ari dira lanean.
Ingeteamek Zamudion (Bizkaia) du egoitza, eta 21 herrialdetan ditu lantegiak. Konpainiak lotura estua du Nafarroarekin, mila langile inguru ditu han —taldearen %20 inguru—, Sarrigurengo bulegoen, Uharteko potentzia laborategiaren eta Sesmako lantegiaren artean banatua. Datorren urtean, Sarrigurenen I+G ikerketa eta garapenerako laborategi berri bat jartzeko lanak hasiko dituzte.
Ingeteamek Sesmako fabrika handitu du
Iruzkinak
Ez dago iruzkinik
Ordenatu
