Ignacio Sanchez Galan ez dute epaituko Villarejorekin loturiko espioitza kasuan

MADRIL.Villarejo auzitik onik irten da Ignacio Sanchez Galan Iberdrolako presidentea. Frogatuta geratu den arren bere aurkakoak espiatu zituela, Espainiako Auzitegi Nazionaleko Zigor Salak ondorioztatu du hari leporatzen zaizkion delituak epaitzeko epea igaro dela. Ikerketaren arabera, 2004 eta 2012 bitartean Juan Manuel Villarejo Poliziako komisario ohiaren zerbitzuak kontratatu zituen Iberdrolak, sektore bereko lehiakideak zelatatzeko, administrazioekiko harremanetan laguntzeko eta Galanek konpainian duen boterea sendotzeko. Legez kanpoko espioitza metodoak erabili zituen horretarako.