Baionako auzitegiak oraintxe eman die Baionako portutik ateratzeko baimena, 7.008,11 euroko isuna ordaindu eta gero. Isun hori da, hain zuzen, beren ontzietan aurkitu 4,4 tona antxoaren salmentak eman duen dirua, joan den ostiral arratsaldean Donibane Lohizuneko arrain saltokian.
Ontzi batetik bestera antxoa eramaten ari zirela harrapatu ostean atxiki zituzten arrantzontziak. Europako Batasuneko araudiak debekatu egiten du zamaren aldatzea, kuotak errespetatzen direla ikusteko.
