Hil honen bukaeran dira amaitzekoak autoen Renove planaren laguntzak

BILBO. Autoa erosteko Jaurlaritzaren Renove plana baliatu nahi duenak azken egunak ditu, funtsaren %81 ahitu baita jada. EEE Energiaren Euskal Erakundeak esan du 4,08 milioi euro baliatu direla erosketak egiteko, eta milioi bat baino gutxiago geratzen dela. 1.969 operazio egin dira gaur arte, bakoitza 2.075 eurorekin lagunduta, batez beste.