Greziarentzat irtenbidea bilatzen saiatuko dira gaur

BRUSELA. Euroa darabilten herrialdeetako finantza ministroak ez ohiko bilera dute gaur Bruselan. Helburua: Greziaren arazoei irtenbidea topatzea. Hartzekodunekin dituen konpromisoak betetzeko zailtasun handiak ditu Greziak, eta atzo bigarren erreskate baten inguruan hitz egiten hasi ziren euroguneko finantzen arduradunak. 90.000 milioikoa izan daiteke.