Gaur goizaldean, Gasteizko Ali-Gobeoko industrialdeko bi pabiloi guztiz kiskali dira, eta keak kalteak eragin ditu beste bost pabiloitan; oraindik argitzeko dago zergatik. Ez da zauriturik izan, Eusko Jaurlaritzako Segurtasun Sailak jakinarazi duenez.
Sua 02:45ean piztu da, eta suhiltzaileek 06:00etarako lortu dute kontrolpean hartzea. Ustez, Carnicas Conchi haragi enpresak han duen instalazioetako batean piztu da sua, eta alboko pabiloia ere erre eginda da —jabe berarena da—. Kalte materialak «oso handiak» izan direla zehaztu dute suhiltzaileek. Horrez gain, auto bat kiskali da, eta inguruko beste bost pabiloitan ere izan dira kalteak, kearen eraginez. Sua nola sortu den ikertzen ari da Ertzaintza.
