Bi kamioik elkar jo dute gaur eguerdian N-134 eta NA-123 errepideak elkartzen diren tokian, Lodosako lurretan (Nafarroa). Talkaren ondorioz garraiolarietako bat hil egin da, eta bertaratutako larrialdi zerbitzuek ezin izan dute ezer egin haren bizitza salbatzeko.
Hildakoak 54 urte zituen eta Errenteriakoa(Gipuzkoa) zen.
Errepidea itxita egon da, kamioietako batek azido sulfurikoa garraiatzen zuelako eta bidean isuri delako.
LAB sindikatuaren zenbaketa aintzat hartuz gero, aurten lanean hil den 43. langilea da, eta horietatik hamar garraiolariak dira.
