Baglarren hogei aerosorgailu (66 MW) jarriko ditu euskal konpainiak eta beste hamasei Ardiclin (52 MW). 3,3 MWko plataformak Europan saltzen dituen lehen aldia da. 2018ko bigarren hiruhilekoan hasiko da Gamesa aerosorgailuak Turkiara eramaten, eta 2019rako martxan egotekoak dira parke biak, Konyako eremuan biak. Parkea osatu bakarrik ez, Gamesak aerosorgailuen mantenua egingo du, gainera, hamar urteko epean.
36 erroten pieza nagusiak (nazella) Espainian ezarriko ditu Gamesak, Agredako plantan (Soria). Erroten palak eta dorreak, berriz, Turkian bertan ekoitziko dituzte, Siemens Gamesak Izmirren duen fabrikan.
Jarriko diren aerosorgailuak 84 metrotik 134 metrorako luzerakoak izan daitezke, eta haizearen arabera egokitzen dira. Siemens Gamesak 550 MW instalatu ditu Turkian dagoeneko, 2010etik egunera. Siemens Gamesa Renewable Energyk 75 GW jarri ditu mundu zabaleko 90 herrialdeetan. Gaur egun, eta Siemensekin egindako bategitearen ondoren, 27.000 langilek dihardute konpainian.
