Fagor Arrasatek lantegi bat irekiko du AEBetan, zerbitzuak emateko

DONOSTIA. Chicago inguruan jarriko du planta bat Mondragon taldeko enpresak, eta ez da ekoizpen lantegi bat izango, AEBetan lortu dituen proiektu ugariei zerbitzua emateko zentroa baizik. Azken urteetan AEBetan lortu dituen proiektuei laguntzeko izango da, alegia. «Proiektuaren asmoa da salmenta osteko zerbitzua indartzea, eta bezeroekiko harremana estutzea», azaldu du makina-erremintaren sektoreko kooperatibak.