Euskaltelen sarearen %51 saldu dute

MasMovil taldeak Euskaltelen sarbide sarearen %51 saldu dio Bidasoa Aggregator euskal inbertsoreen patzuergoari, 580 milioi euroren truke. EKT Cable filiala arduratzen da sare hura kudeatzeaz. MasMovilek, Euskaltelen jabeak, 500 milioi euroko zorrak ordaintzera bideratuko du dirua —kopuru horretako kreditu bat du ordaintzeko, iaz Euskaltel bereganatzeko erabili zuena—. Euskaltelek parte bat inbertituko du filialaren partaidetzaren %49 eskuratzeko.

Euskal inbertsore berriek 1,2 milioi etxebizitza ingurura iristaraziko dute zuntz optikoa, Araban, Bizkaian, Gipuzkoan, Asturiasen eta Galizian, hain zuzen. Hala, proiektua amaitzean Euskaltelen sare pean dauden etxebizitza guztiek(2,3 milioi) zuntza izango dute.