Europako Batzordeak teknologia erraldoien aurkako zartailua atera du berriz, eta 1.800 milioi euroren zigorra ezarri dio Appleri streaming bidezko musikaren banaketan duen nagusitasun egoeraz abusatzeagatik. EBren ustez, konpainiak oztopoak jartzen dizkie iPhone-ren edo iPad-en erabiltzaileei Spotify eta antzeko plataformak Appstore bere denda birtualetik kanpo kontratatu ditzaten. Ebazpenaren arabera, zerbitzu horiek kontratatzeko informazioa zabaltzea eragozten du.
«Applek musika merkatuan zuen aginte egoera baliatu zuen hamarkada askotan». Margrethe Vestager Europako Batzordeko Lehia komisarioak horrela azaldu du zigorraren zergatia. Aginte egoera hori «legez kanpokoa» da, eta iragazi lanak egin ditu, eta, horren ondorioz, «milioika europarrek» ezin izan dituzte jaso Applen ekosistematrik kanpo zeuden eskaintza alternatibo eta merkeagoak: «Ezin izan zuten askatasunez aukeratu», laburbildu du komisarioak.
%0,5Zorra, fakturazioarekin alderatuta Applek iaz 353.150 milioi euro fakturatu zituen; ondorioz isuna konpainia osoaren fakturazioaren %0,5 litzateke .
Zigor honen jatorria 2019. urtean dago. Ordukoan, Spotifyk salatu zuen Applek trabak jartzen zituela. Europak ikerketa hasi zuen hurrengo urtean, eta antzeman zuen, hain zuzen, sagarraren konpainiak beren aplikazioen barruan oztopoak jartzen zituela erabiltzaileak beste programen erregistro orrietara irits ez zitezen. Applek 2022an aldatu zuen bere politika Japonian izandako salaketa baten eraginez.
Ordukoan, EBk Appleri egotzi zion beste aplikazioen «atezain» lana egiten zuela, eta monopolio jardunen aurkako ikerketa hasi zuen. Iazko abenduan, Europako hainbat hedabidek zabaldu zuten EBk Apple zigortu zuela, eta, otsailaren 18an, Financial Times agerkariak kopuru bat eman zuen: 500 milioi euro. Azkenean, baina, zigorra askoz handiagoa izango da.
«Applek musika merkatuan zuen aginte egoera baliatu zuen hamarkada askotan. Milioika europarrek ezin izan zuten askatasunez aukeratu».
MARGRETHE VESTAGEREuropako Batzordeko Lehia komisarioa
EBren funtzionamenduari buruzko tratatuaren 102. artikuluaren arabera, isuna mundu oso fakturazioaren %10erainokoa izan daiteke, baina oraingoan isuna txikiagoa izan da. Applek iaz 353.150 milioi euro fakturatu zituen; ondorioz, isuna konpainia osoaren fakturazioaren %0,5 litzateke.
Zigor hau Europako Batasunak AEBetako jatorriko teknologia erraldoien aurkako gurutzadaren aurkako beste atal bat da. Meta, Google eta Amazonen artean 3.440 milioi euroren zorrak jaso dituzte. Europak, besteak beste, datuen babes politikak urratu izana egotzi izan die, edota publizitatea legez kanpo erabiltzea. Amazoni, esaterako, marka jakin batzuen mesedetan jardutea leporatu zion.
Dena den, oraingoz, isunik handienak Metari jarri dizkiote (Whatsapp aplikazioaren jabea). 2.545 milioi euro ordaindu behar izan ditu. Zigor horiek ezartzean EBk beti nabarmendu izan du konpainia horiek aurretik ohartarazita zeudela.
