Euriborra, %5etik behera

Gaur ere jaitsi egin da Euriborra, eta %5etik behera dago orain: %4,986ra. Eguneko datuak kontuan hartuta, hileko txikiena da, eta joan den maiatzaren 21etik ez zen jaitsi %5etik -orduan %4,999an egon zen-. Urriaren 1ean %5,526an zegoen, orain arte errekorrean.

Urriko datuak aintzat hartuta, berriz, orain arte %5,298an dago, eta maiatzetik ez da hain baxu egon -%4,994an bukatu zuen maiatza-. Euriborra %5,384an geratu zen irailean. Orain arteko marka historikoa uztailean lortu zuen: %5,393.

Hipoteka gehienak kalkulatzeko erreferentziatzat erabiltzen da Euribor indizea, eta 1999an jarri zuten martxan. Bankuek elkarri dirua uzteko erabiltzen duten interesa islatzen du.