Eduardo Junkera, Adegi patronaleko presidente berria izateko bidean

DONOSTIA. Pello Gibelaldek sei urteko aroa amaituko du aurten, eta Gipuzkoako patronalak presidente berria aukeratuko du hilaren 30ean, batzar orokorrean. Gibelaldek berak eskatuta aurkeztu da Junkera, eta, oraingoz, ez dago beste hautagairik. 1955ean jaioa da Durangon (Bizkaia), eta Egile Corporation XXLko sortzailea eta presidentea da, bai eta Elkargiko eta Hegan klusterreko presidenteordea ere.