Corrugadoseko langileek Madrilen jasoko dute dosierra

Gallardo taldeko zuzendaritzak Azpeitiko Corrugados eta Lasaoko Corrugadoseko enpresa batzordeetako ordezkariak Madrilera deitu ditu gaur arratsaldean. Langileak kaleratzeko dosierra aurkezteko deitu dituzte Madrilera, sindikatuetako ordezkariek azaldu dutenez,

«Badirudi enplegua erregulatzeko dosierra taldeko lau enpresari batera sartu behar digutela», azaldu du langile batzordeko kide Esteban Kanposek. «Azpeitiko kasuan langile guztioi eragingo digun kaleratze txostena da. Beste enpresei zer aurkeztuko dieten ez dakigu». Goizean, berriz, Eusko Legebiltzarrean Azpeitiko enpresaren kasuaren berri emango dute langileen ordezkari sindikalek.