Cie Automotivek eskudirutan ordaindu ditu 77,1 milioi, Somaschini erosteko

BILBO. Cie Automotivek amaitu du Somaschini Italiako enpresaren erosketa. Multinazional bizkaitarrak 77,1 milioi euro ordaindu ditu haren truke, baina ez du mailegurik eskatu behar izan: eskudirutan pagatu duela zehaztu du. Lombardian du egoitza Somaschinik, Trescore Balneario herrian, eta engranajeak egiten ditu. Italian bi lantegi ditu, eta beste bat Indianan (AEB). Enpresak erosten aritu da azken urteetan Cie Automotive, eta jada 110 fabrikatik gora ditu.