DONOSTIA. Euskal Sagardoa jatorri izeneko ekoizleek batez beste %25 inguru igoko dute botilaren prezioa datorren 2023an, «batez ere beiraren, kartoiaren, energiaren eta gasolioaren prezioen igoeragatik».
Euskal Sagardoa jatorri izenak Araba, Bizkai eta Gipuzkoako 49 sagardotegi biltzen ditu, eta sagardoa ekoizteko bertako 250 sagargileren sagarrak erabiltzen dituzte. Aurten, 3,5 milioi litro merkaturatu dituzte.
Oso bestelakoak dira hurrengo urteari begirako aurreikuspenak. Unai Agirre Euskal Sagardoa jatorri izenaren koordinatzaileak azaldu duenez, aurtengo sagar bilketa «oso txarra» izan da, udako beroaldiengatik. Agirrek aurreratu duenez, Euskal Sagardoa jatorri izeneko kideen ekoizpena «aurtengoaren heren bat inguru» izango da, eta produkzio eskasagoak prezioan ere eragingo du.
Botilako sagardoa %25 garestituko da 2023an
Iruzkinak
Ez dago iruzkinik
Ordenatu
