BESTE «JIPOI» BAT BASERRITARREI

Gipuzkoako Diputazioak baserritarrak «jipoitu» egiten dituela salatu zuen EHNE sindikatuak atzo. Elkarretaratzea egin zuen haren egoitza aurrean, behi eta traktoreekin. Besteak beste, 2010erako aurrekontuetan Landa Ingurunearen Departamentuarentzat %17 gutxiago aurreikusi dela gaitzetsi zuten 30 baserritar inguruk. Lehendik ere sektorearen egoera «larria» dela adierazi zuten, eta erabaki horrekin, are gehiago okertuko dela aurrerantzean.