Urtebete iraun du zuzendaritzako kide gisa Xabier Bengoetxeak CNA taldean. Edesa Industrialeko zuzendaria aurreko asteazkenean kargugabetu zuen Jorge Parlade taldeko presidenteak. BERRIAk jakin ahal izan duenez, Arrasateko bulegora joan zitzaion, eta «aro bat bukatu» zuela jakinarazi. Kitapena adostu, eta Bengoetxeak enpresako kide izateari utzi zion.
Parlade presidentearen jarduteko modua gertutik ezagutzen dutenek ez dute ezusterik hartu. Taldeko presidenteak oso modu pertsonalean hartzen ditu erabakiak Arrasateko kooperatiba zenaren lekukoa hartutako enpresan. Erabateko agintaritza dauka, alegia, eta kosta egiten zaio ardurak banatzea.
Lagun Aroko langabezian
Bengoetxea Lagun Aroko langabeziara itzuli da, kooperatiba ikurreko bazkide guztiek CNAn hastean lortu zuten segurtasun neurria baliatuz. Litekeena da Mondragoneko enpresaren batean lekua aurkitzea laster, handia baita Bengoetxearen eskarmentua enpresa kudeaketan.
Fagor CNAk 100 milioi euroren salmentak lortu ditu bere lehen urtean, aurreikusitakoaren erdia. Uste baino zailtasun gehiago izaten ari da merkatuan zabaltzeko.
Elkarrizketa: Xabier Bengoetxea. Edesa Industrialeko zuzendari ohia
Bengoetxea kaleratu du Fagor CNAk
Jorge Parlade CNAko presidenteak «aro bat bukatu dela» esan dio Fagor Etxetresnak kooperatiba zeneko presidente ohiari
Iruzkinak
Ez dago iruzkinik
Ordenatu
