Behin-behineko langileak itzuli dira Bridgestonera

BASAURI. Iaz onartutako erregulazio espedienteen amaierarekin batera, Bridgestonek Basaurin eta Galdakaon (Bizkaia) dituen lantegietan behin-behineko langileak ere lanean hasi direla jakinarazi du UGT-Euskadik. Sindikatuak, alabaina, fabrika horien ekoizpena berregituratzeko planak daudela, eta, ondorioz, enpresak lanpostuak kentzeko asmoa duela ohartarazi du.