Altsasuko Gamesa berriz industrializatuko dute

IRUÑEA. Gamesak joan den astean itxi zuen Altsasuko lantegia. Eta, atzo, lantegi hori berrindustrializatzea hitzartu zuen Nafarroako Gobernuarekin. Bi aldeek uste dute beharrezkoa dela Altsasun lanpostu berriak sortzea, enpresa proiektu pribatu, lehiakor eta etorkizunekoak martxan jarrita. Hala, lan talde bat osatu dute egon daitezkeen aukerak aztertzeko.