55 urteko langile autonomo bat hil da gaur goizean Bilboko Abandoko tren geltokian. Cafe Bar La Parada bertako kafetegiko kristalak garbitzen ari zela hil da, hiru bat metrotik erorita. LAB sindikatuak jakinarazi duenez, azpikontrata batentzat ziharduen, eta, eraikin publikoa izan arren, ez zituen betetzen erorikoak eragozteko oinarrizko prebentzio neurriak.
Sindikatuaren arabera, aurten Euskal Herrian lanean hildako 53. langilea da, eta erorita hildako hamargarrena. Azken hamar urteetan 81 langile hil dira erorikoen ondorioz, hildako guztien %12,5. Bere salaketan, LABek nabarmendu du garbiketaren sektorean bereziki lazgarria dela oinarrizko segurtasun neurrien gabezia.
Ikusi gehiago
