42 urteko langile iruindar bat hil zen atzo arratsaldean Irunberrin (Nafarroa), aldamio batetik erorita. Hirugarren solairutik erori zen, eta bertan zendu.
Larrialdi zerbitzuek 18:16an jaso zuten deia, eta Zangozako medikuen talde bat, anbulantzia bat, helikoptero bat eta Foruzaingoaren patruila bat bertaratu ziren, Nafarroako Gobernuak jakinarazi duenez. Langilea suspertzen saiatu ziren, baina ezin izan zuten ezer egin. Hilotza Auzitegi Medikuntzako Nafarroako Institutura eramango dute, autopsia egiteko. Ezbeharraren nondik norakoak ikertzen ari da Foruzaingoa.
LAB sindikatuaren arabera, aurten berrogei langile hil dira Euskal Herrian lanean ari zirela; 41.a da atzo hildakoa.
