100

CAF-EN NORVEGIAKO KONTRATUA, MILIOITAN
Urteko lehen kontratu mamitsua, ehun milioi eurorena, Norvegian lortu du CAFek. Solaris filial poloniarraren eskutik, Urbino modeloko 183 autobus elektriko artikulatu egingo ditu Oslorako. Solarisentzat beste bi kontratu txikiago sinatu ditu CAFek: hidrogeno bidezko bost autobus Villach hirirako (Austria), eta 50 trolebus Milanerako (Italia).
Alsazia. CAFek ekainaren 1ean itxiko du Alstomekin Reichshoffen (Alsazia, Frantzia) herriko plantaren erosketa, 75 milioi euroren truke. Lantegi horretako lan baldintzak gutxienez bi urtez ez aldatzeko konpromisoa hitzartu du CGT, FO eta CGC sindikatuekin.