'Urteberri on, amona!', kalean

2011eko irailean estreinatu zuen Telmo Esnal zuzendariak Urteberri on, amona!, iraupen luzeko bere bigarren filma. Gaur gauean ikusi ahal izango da, Arrasateko Monterron parkean (Gipuzkoa). Komedia beltz horrek Mari amona zaindu behar duen familiaren arazoak azaltzen ditu, umorea eta hausnarketarako tartea utziz. Bakardadearekiko beldurra, balio galera, norberekoikeria, bikote harremanak eta familiaren desegituratzea dira, besteak beste, azaltzen diren gaiak. Ikuslea jakin-minez edukitzen du azken unera arte, eta ez dago jakiterik hurrengo eszenan zer gertatuko den: barre eginaraziko digun, ala mafia itxurako gertakariren bat jazoko den. Josean Bengoetxea, Nagore Aranburu, Montserrat Carulla, Kontxu Odriozola eta Pedro Otaegi dira aktore nagusiak; gidoilariak, berriz, Esnal bera eta Asier Altuna dira. Bi horiek elkarlanean egin zuten Aupa Etxebeste! film arrakastatsua, 2005ean.

Iaz, Donostiako Zinemaldian estreinatu zuten Urteberri on, amona! —Zabaltegin—. Horrekin batera, euskara hutsezko beste bi pelikula eman zituzten:Asier Altunaren Bertsolari, etaImanol Rayoren Bi anai. Euskal zinemak fruitu urriak, baina ondo heldutakoak ematen dituela dirudi.

'URTEBERRI ON, AMONA!'

Noiz. Gaur, 22:30ean.

Non. Arrasateko Monterron parkean (Gipuzkoa).