Irakurri hemen serie honetako artikulu guztiak
Txokolate zuria eta patata krema olagarroarekin
Kaxola, zaporeen abiapuntua janari prestatuen zerbitzuetako (Beasain, Gipuzkoa) Iker Markinezek egindako errezeta.
OSAGAIAK:
- Txokolate zuria, 100 g.
- Arabako patata, 300 g.
- Olagarro hanka egosi bat.
- Esne edalontzi bat.
- Esne gain edalontzi erdia.
- Piper hauts beltza.
- Ezpeleta piper xehatua.
- Oliba olioa.
- Gatza.
- Añanako gatz lodia.
PRESTAKETA:
1. Patatak zuritu, garbitu, eta bakoitza lau zatitan moztu.
2. Patatak lapiko batean sartu, eta esnea bertan bota. Esnearekin ez badira patatak estaltzen, ura gehitu. Piper mina eta gatza bota, eta 40 minutuz irakin, su motelean.
3. Beste lapiko batean, esne gaina bota, eta, irakitean, txokolate zuria gehitu.
4. Patatek esnea xurgatzean, esne gaina eta txokolatea bertan bota. Irabiagailuarekin dena xehatu.
5. Olagarro hanka zentimetro bateko puskatan moztu. Oliba olioarekin zartagin bero batean bi minutuz eduki, eta bueltarik eman gabe atera.
6. Patata eta txokolate krema plater batean jarri, eta gainean olagarro zatiak jarri, erretako puskak gora begira. Añanako gatza goitik botatzean amaitu platera.
Usakumea txokolatezko saltsarekin
Aiegiko (Nafarroa) Casa Lucia jatetxeko Martin Goñik egindako errezeta.
OSAGAIAK:
- Usakumeak, 4.
- Tipula, 2.
- Piper gorri erdia.
- Porru bat.
- Azenario bat.
- Reineta sagar bat.
- Txokolate beltza, ontza bat.
- Baratxuri ale bat.
- Oliba olioa.
- Ardo beltza.
- Koñaka.
- Hegazti salda.
- Piper hauts beltza.
- Gatza.
PRESTAKETA:
1. Usakumeak gatzez eta piper hautsez estali, eta oliba olioa duen zartagin batean usakumeak gorritu.
2. Olio horrexetan barazki guztiak bigundu.
3. Barazkiak biguntzean, koñak txorrotada bat bota eta pizgailu batekin erre. Ardoa gehitu eta saltsa murriztu, alkohola desagertu arte.
4. Barazkiei txokolatea gehitu, eta usakumeak lapikoan sartu.
5. Hegazki saldarekin usakumeak estali, eta 75 minutuz irakiten utzi.
6. Usakumeak atera, eta barazkiak birrindu.
7. Plater batean usakumea jarri, eta gainetik saltsa duela, aurkeztu.
Kakahuete eta txokolate beltzarekin egindako snickers beganoak
Amaia Castorene Baigorriko (Nafarroa Beherea) sukaldaritza blogariak eginiko errezeta.
OSAGAIAK:
Oinarrirako:
- Amanda hautsa, 100 g.
- Arroz irina edo beste irin mota bat, 100 g.
- Koko olio urtua, 4 koilarakada handi.
- Kakao hautsa (%100 kakao), koilarakada handi bat.
- Agave ziropa (aukeran), koilarakada txiki bat.
- Gatza.
- Ura.
Kakauete kremarako:
- Crunchy kakauetea, 160 g.
- Esne begetala, 20 cl.
Txokolatezko oskola egiteko:
- Gozogintzarako txokolate beltza (%60 de kakao gutienez), 250 g.
- Koko olioa, koilarakada handi bat.
- Kakao baba birrindua.
PRESTAKETA:
1. Labea 180 gradutan berotzen jarri.
2. Osagai lehor guztiak nahasi.
3. Koko olioa urtu, eta nahasketari gehitu.
4. Dena eskuekin nahasi eta ur pixka bat gehitu, masa leun bat eskuratu arte.
5. Masa hori moldetxo lauki luzeetan jarri eskuekin moldearen erdiraino (moldetxorik ez baduzue, plaka lauki bat erabili, eta gero lauki luzetxoak moztu). Labean sartu, 10 bat minutuz. Gerorako gorde.
6. Kakahuete krema eta esne begetala berotzen jarri, eltze batean ongi nahasiz.
7. Krema lehenago erretako moldeetan isuri, eta izozkailuan 6 orduz sartu.
8. Txokolatea eta koko olioa urtzen jarri ontzi batean.
9. Snickersak moldeetatik atera, eta, banaka, segidan, txokolate urtuan busti. Kakao baba porroskak gainetik banatu.
10. Plaka batean pausatu, ordu bat bederen barnekoa epeltzeko, eta hozkailuan gorde.
