Pagadia

600-700 metrotik gorako eremu epel, fresko eta prezipitazio ugaridunetan topa daitezke. Pagoek itzal handia ematen dute, eta, beraz, oihanpean ezer gutxi hazten da. Hori dela eta, errazago ibil daiteke baso hauetatik. Arbolen oinetan orbela eta egur hila metatzen dira urtero, pagadietako lurzoruak gorrituz, baina, aldi berean, haiek aberastuz. Horrez gain, intsektu, bare, ehunzango eta zizareen bizileku ere badira metok. Basobera bereziki biluzia da lurzoru txiroetako pagadietan; mota horietakoak dira ugarienak Gipuzkoan. Zuhaitzei dagokienez, pagoaz gain, gorostia, ahabia, hostazuria, hagina edota elorri beltza topa daitezke pagadien barreneko ibilbideetan.