Mundu osorako protesta deialdia egin dute urriaren 15ean

Benetako Demokrazia Orain taldeak hasi zuen Madrilgo Sol plazako protestaldia. Handituz joan zen ekimena, eta talde hori baino handiagoa da egun mugimendua. Oraingoan ere hori da asmoa. Mundu mailako protestaldi bat egiteko deialdia egin dute Benetako Demokrazi Orain-eko kideek. Urriaren 15erako egin dute zita, eta Madrilgo, Bartzelonako eta Euskal Herriko protestetan entzun direnen antzekoa izango da aldarrikapena kasu horretan ere. «Hiritarrak ez dira politikari eta bankarien menpeko merkantziak». Denborak aurrera egin ahala emango dituzte xehetasun gehiago.