Mediaprok Tri-Lite TV ekoizpen etxea erosi du Kanadan

ONTARIO. Mediaprok Ontarioko (Kanada) Tri-Lite TV ekoizpen etxea erosi du. Horrekin batera, 500 metro karratuko platoak eta errealizazio gelak eta hiru unitate ibiltari geldituko dira Mediaproren esku. Oscar Lopez Mediaproko kontseilariak esan du Tri-Lite TV «lagun aparta» dela Kanadan zabaldu ahal izateko. 20 urteko esperientzia du Tri-Lite TVk.