01.
Koldo Urrestarazu
Jaioteguna: 1973-05-27.Herria: Lazkao (Gipuzkoa). Denbora onena: 4:52:07 (2005).•Zegama-Aizkorri: «Sari handia da parte hartzea, eta zorionekoa sentitzen naiz ni urtero parte hartu eta bukatuta».
•Aurtengo asmoa: «Bost orduren bueltan ibiliko naiz urtero bezala. Errepikatzeko gogoz bukatzea da kontua».
02.
Guillermo Pinillos
Jaioteguna: 1968-10-05.Herria: Zegama (Gipuzkoa). Denbora onena: 5:00:35 (2010).•Zegama-Aizkorri. «Gogorra eta ederra da. Zegama osoak laguntzen du, eta ibilbideko jendetzak egiten du bakarra».
•Aurtengo asmoa. «Urtero bukatu duen zegamar bakarra naiz, eta igandean bukatzera aterako naiz. Ez da gutxi».
03.
Mikel Legarreta
Jaioteguna: 1982-09-19.Herria: Urnieta (Gipuzkoa). Denbora onena: 5:03:25 (2009).•Zegama-Aizkorri. «Urteroko ohitura dut dagoeneko. Mendi lasterketetan ibiltzen naiz, eta urteko helburua izaten dut».
•Aurtengo asmoa. «Nahi nuke bost orduko mugatik jaitsi. Badakit asmo zaila dudala, baina ilusio hori dut».
04.
Jose Antonio Salgado
Jaioteguna: 1959-09-18.Herria: Altsasu (Nafarroa). Denbora onena: 5:12:51 (2002).•Zegama-Aizkorri: «Etxeko maratoia da, gertukoa, eta niretzat urteroko erronka»
•Aurtengo asmoa: «Mendiko eskian aritzen naiz, eta goizegi datorkit. Prestaketa aldetik motz iritsi naiz, baina 10. bukatzeko moduan nago».
05.
Ion Zubillaga
Jaioteguna: 1976-01-09.Herria: Berastegi (Gipuzkoa). Denbora onena: 5:13:46 (2008).•Zegama-Aizkorri: «Izen handia hartu duen eta ikusle asko biltzen duen laisterketa gogor bat da».
•Aurtengo asmoa: «Berastegiko beste partaideei irabaztea eta karrera txukun bat egitea, betiko martxan».
06.
Joxan Larrea
Jaioteguna: 1966-05-30.Herria: Oñati (Gipuzkoa). Denbora onena: 5:14:56 (2007).•Zegama-Aizkorri: «Inguru zoragarrian eta antolaketa eredugarriarekin egiten den festa da».
•Aurtengo asmoa: «Ez nago erlojuaren menpe; nahiago dut gozatzera irten. Ongi bukatu eta biharamunean korrika jarraitzeko ilusioarekin segitu nahi dut».
07.
Gorka Gabiña
Jaioteguna: 1972-10-21.Herria: Gasteiz.Denbora onena: 5:17:31 (2003).•Zegama-Aizkorri: «Rikardo eta biok mendian korrika hasi ginen lasterketa da. Han izango gara ahal den bitartean».
•Aurtengo asmoa: «Ilusioz hartzen dut urtero eta aurten ere hala nago. Gogorra da, baina beti dugu hobetzeko nahia».
08.
Rikardo Ruiz de Apodaka
Jaioteguna: 1968-05-22. Herria: Gasteiz.Denbora onena: 5:24:53 (2005).•Zegama-Aizkorri: «Mendiko gizona naiz, eta lehen aldian ibilbideak eta esperientzia berria bizitzeak erakarri ninduten. Ordutik katiatuta nauka».
•Aurtengo asmoa: «Urteak aurrera doaz; gure adinean gustura bukatuta konforme naiz».
09.
Txema Gomez
Jaioteguna: 1958-01-11.Herria: Zarautz (Gipuzkoa). Denbora onena: 5:29:45 (2005).•Zegama-Aizkorri: «Gure lasterketa da, berezia eta gertukoa. Beste inon ez dago halako girorik; Tourreko etapa dirudi».
•Aurtengo asmoa: «Hamargarrena bukatzeagatik irtengo naiz, 8 ordutan bukatzera, eta urteroko legean ilea tindatuta».
10.
Iosu Cascon
Jaioteguna: 1950-12-24.Herria: Arrasate (Gipuzkoa). Denbora onena: 5:30:49 (2005).•Zegama-Aizkorri: «Asfaltoan lesioekin arazoak nituelako hasi nintzen mendian, eta urteroko erreferentzia eta erronka dut».
•Aurtengo asmoa: «Ongi nago, prestaketa behar bezala joan dut. 60 urterekin ilusioari eutsi eta jarraitzea da asmoa».
11.
Letizia Uriarte
Jaioteguna: 1972-06-18.Herria: Elorrio (Bizkaia). Denbora onena: 6:37:20 (2007).•Zegama-Aizkorri: «33. kilometroko anoa postuko boluntarioak dira berezienak niretzat. Omenaldia egin zidaten behin, eta haiek ikusteko eguna da».
•Aurtengo asmoa: «Lasterketak bezala hamargarrena dut nik ere, eta azkena izango da».
