La Tremendita eta Sordera gaur Iruñeko Baluarten

MUSIKA. Joan den asteburuan Tuteran (Nafarroa) egindako sarreraren ondoren, Iruñeko Baluarte auditoriumak irekiko dizkio gaur ateak Flamenco on Fire jaialdiari. 21:30ean izango da. Manolo Caracol flamenko kantariaren omenez jaialdiak berak ekoiztutako Una historia del cantaor flamenco lana interpretatuko dute hainbat artistak: Vicente Soto Sordera-k, La Tremenditak eta Antonio Reyesek. Nafarroako Orkestra Sinfonikoa izango dute oholtzan lagun, Oliver Diazen zuzendaritzapean.

Gaurtik hilaren 27ra bitarte, artista ugari pasatuko dira Baluarteko oholtzatik: Yeye de Cadiz, Guadiana, Duquende, Eva La Yerbabuena, Paco Jarana, David de Arahal, Victor Franco, Fernanda Peña, Gema Moneo eta Sandra Carrasco. Egun hauetan, kalean ere egingo dituzte emanaldiak.