Interneten neutraltasunaren defendatzaile sutsua da Kim Schmitz Dotcom hackerra. Dirutza egin zuen Megaupload gunearekin, FBIk 2012. urtean itxi zuen arte, copyright-a zuten milioika film eta disko zabaltzeagatik. Sarearen neutraltasuna eta askatasuna ziurtatzeko, «Internet alternatibo» bat eratuko duela iragarri zuen urriaren amaieran. MegaNet izena izango du, eta lauzpabost urte barru abiatuko da.
Guifi.net fundazioko Ramon Rocak ez ditu gustuko halako egitasmoak. «Internet alternatibo bat planteatzea amore ematea da», esan du. «Internet denona da; berreskuratu behar dugu sarea komunal gisa ikusteko joera. Interes ekonomiko handiei galarazi egin behar diegu sareaz jabetzea. Hori izan da, orain arte, Interneten garaipena». Kim Dotcomen estradizioa eskatu diote AEBek Zeelanda Berriari.
Kim Dotcomen «Internet alternatiboa»
Iruzkinak
Ez dago iruzkinik
Ordenatu
